Premio Castelao 2022 de Banda Deseñada, modalidade xeral

Zeltia é unha rapaza de doce anos cunha vida corrente e problemas de insomnio. Un día, mentres está lendo, aparece Eirín no vaso de auga que deixou onde a súa mesiña de noite, e ponse a contarlle un conto. pouco a pouco, esta serea con gusto polas superficies reflexantes, empezará a introducir pequenas ficcións no seu día a día, unhas ficcións un tanto misteriosas que Zeltia non acaba de comprender de todo. Os relatos que lle conta a serea axúdana a conciliar o sono pero tamén a fuxir dunha realidade que, na súa monotonía, non a apaixona en exceso...A través deles comezará a ver o mundo con outros ollos e a poñer atención a certos detalles que, doutro xeito, lle terían pasado desapercibidos.